BREAKING उबाठा शिवसेनेला हादरा! उपजिल्हा प्रमुख कपिल खेडेकरांचा राजीनामा.....
Dec 31, 2024, 14:44 IST
चिखली(बुलडाणा लाइव्ह वृत्तसेवा): लोकसभा आणि विधानसभा निवडणुकीत पराभवाला सामोरे जावे लागल्यानंतर उबाठा शिवसेनेत अस्वस्थता वाढू लागली आहे. बुलडाणा जिल्ह्यात उबाठा शिवसेनेला लोकसभेत पराभव पहावा लागला. त्यानंतर बुलढाणा विधानसभा मतदारसंघाच्या निवडणुकीतही जयश्रीताई शेळके पराभूत झाल्या. दरम्यान आता संघटनात्मक पातळीवरील कार्यकर्त्यांमध्ये अस्वस्थता पसरली आहे. त्याचे पडसाद आता उमटू लागले असून उबाठा शिवसेनेचे उपजिल्हाप्रमुख कपिल खेडेकर यांनी आपल्या पदाचा राजीनामा दिला आहे. जिल्हा संपर्कप्रमुख नरेंद्र खेडेकर यांच्याकडे त्यांनी राजीनामा सोपवला आहे..
कपिल खेडेकर यांचे चिखली विधानसभा मतदारसंघात चांगले संघटन आहे. लोकसभा निवडणुकीत नरेंद्र खेडेकर आणि विधानसभा निवडणुकीत महाविकास आघाडीचे उमेदवार राहुल बोंद्रे यांच्यासाठी कपिल खेडेकर यांनी प्रचारात झोकुन दिले होते. मात्र आता काय झाले कुणास ठाऊक.. "वैयक्तिक कारणामुळे मी पक्षाला वेळ देऊ शकत नाही, असे म्हणत त्यांनी आपल्या पदाचा राजीनामा सुपूर्द केला आहे...