सगळे हिंदु एकाच आईची लेकरे! दलीत–पतीत कुणीच नाही! विभाग प्रचारक स्वप्निल राऊत यांचे प्रतिपादन! स्वामी जगदीशचैतन्यजी महाराज म्हणाले, भारतमाता विश्वगुरू! चिखलीत विशाल हिंदु संमेलन उत्साहात

राष्ट्रीय स्वयंसेवक संघाच्या शताब्दी वर्षानिमित्त देशभरात वस्ती, मंडल केंद्रावर विशाल हिंदु संमेलने होत आहे. यानिमित्ताने चिखलीतील गोरक्षण वस्तीत देखील विशाल हिंदू संमेलनाचे आयोजन २२ जानेवारी रोजी करण्यात आले होते. कार्यक्रमाच्या प्रारंभी सौ.नंदा कुसळकर व नारायण शितोळे यांच्या भजनी मंडळाने वस्तीतून स्वामी जगदीशचैतन्यजी महाराज यांचे टाळ मृदंगाच्या गजरात स्वागत करीत मिरवणूक काढण्यात आली. भारतमातेचे पूजन आणि आरतीनंतर कार्यक्रमाला सुरुवात झाली.

प्रमुख वक्ते म्हणून उपस्थित असलेल्या विभाग प्रचारक स्वप्निलजी राऊत यांनी व्यवहारातून जातीभेद संपुष्टात आणण्याचे आवाहन केले. जिथे जिथे हिंदू समाजाची संख्या कमी झाली तिथे तिथे राष्ट्रद्रोही संख्या वाढते या इतिहासाची आठवण त्यांनी करून दिली. हिंदु समाजाच्या संस्काराचे केंद्रबिंदू कुटुंब आहे, त्यामुळे कुटुंब प्रबोधनाची गरज व्यक्त करत नव्या पिढीला संस्कार देतांना त्याची सुरुवात कुटुंबातूनच झाली पाहिजे असे ते म्हणाले.भारतमातेच्या उद्धारासाठी आपल्याला प्रत्येकाला काम करायचे आहे. प्रत्येकाला बंदूक घेऊन सीमेवरच जावे लागेल असे नाही स्वदेशीचा आग्रह आपल्या जीवनात ठेवून देशसेवा करता येते. झाडांचे संगोपन करून, पर्यावरण समृद्ध करून देशसेवा करता येते. आपण नेहमी आपल्या हक्कांची चर्चा करतो, मात्र देशाप्रती आपली काही नागरी कर्तव्ये आहेत त्याचेही पालन आवश्यक असल्याचे स्वप्निलजी राऊत म्हणाले.