BREAKING पंढरपूर वरून परतणाऱ्या एसटी बसचा भीषण अपघात! डिव्हायडरला धडकून पलटली बस; चिखलीजवळ झाला अपघात! बसमध्ये होते ५२ वारकरी...
Updated: Jul 7, 2025, 06:58 IST
चिखली(बुलडाणा लाइव्ह वृत्तसेवा): पंढरपूर वरून परतणाऱ्या एसटी बसचा आज ७ जुलैला पहाटे पावणे दोन वाजता भीषण अपघात झाला. बस डिव्हायडरला धडकून पलटली..अपघातात बस क्षतिग्रस्त झाली..अपघात झाला त्यावेळी बसमध्ये पांडुरंगाच्या दर्शनाून परतणारे ५२ वारकरी होते.
एम एच ४०, वाय ५८३० क्रमांकाची खामगाव आगाराची बस पंढरपूर वरून येत होते. पहाटे पावणे दोन वाजेच्या सुमारास मेहकर फाटा ते चिखली दरम्यान असलेल्या महाबीज कार्यालयासमोर बस डिव्हायडरला धडकली. या धडकेनंतर बस रस्त्यात पलटली..अपघातात बसच्या समोरील भागाचे मोठे नुकसान झाले.. सुदैवाने अपघातात जीवितहानी झाली,मात्र १० ते १५ वारकरी जखमी झाले.त्यातील काहींना चिखली तर काहींना बुलडाणा रुग्णालयात हलवण्यात आले. अपघातानंतर स्थानिकांनी मदत कार्य राबवले..चिखली पोलिसांनी घटनास्थळी दाखल घेत वाहतूक सुरळीत केली.. पांडुरंगाच्या कृपेने आमचा जीव वाचला अशा भावना अनेक वारकऱ्यानी बोलून दाखवल्या...