चिखलीत ‘शिंदे हॉस्पिटल’च्या नव्या इमारतीचे उद्घाटन...

By Buldana Live Mar 16, 2026, 15:34 IST
चिखली (बुलडाणा लाइव्ह वृत्तसेवा) : चिखली शहरातील नागरिकांना दर्जेदार वैद्यकीय सेवा देणाऱ्या ‘शिंदे हॉस्पिटल’च्या नव्या इमारतीत स्थलांतर करण्यात आले असून या आधुनिक वास्तूचा भव्य उद्घाटन सोहळा सोमवार, १६ मार्च २०२६ रोजी सकाळी ११ वाजता आयोजित करण्यात आला आहे. आधुनिक सुविधा व अद्ययावत उपचार पद्धतींनी सुसज्ज असलेल्या या हॉस्पिटलमुळे परिसरातील रुग्णांना अधिक दर्जेदार व तातडीच्या आरोग्यसेवा मिळण्यास मदत होणार आहे.
या कार्यक्रमास प.पू. गुरुवर्य १००८ वेदांताचार्य आचार्य स्वामी श्री हरिचैतन्यनंद सरस्वतीजी महाराज यांची विशेष उपस्थिती लाभणार आहे. तसेच मा. डॉ. पी. डब्ल्यू. सांबरे (M.D. Obs-Gynac, PhD) यांच्या हस्ते उद्घाटन करण्यात येणार आहे. यावेळी श्रीमती सुनीता ताई तेजराव शिंदे, सौ. शीलाताई धोंडीराम पाटील यांच्यासह अनेक मान्यवरांची उपस्थिती लाभणार असल्याने हा सोहळा विशेष आकर्षण ठरणार आहे.

या कार्यक्रमासाठी विनीत म्हणून गयाबाई देवराव शिंदे, शोभा रामेश्वर नरवाडे, शीलाताई धोंडीराम पाटील, मिनाताई राजेंद्र शिंदे, डॉ. प्रतिभा दिपक भगत, डॉ. दिपक दत्तु भगत, रामेश्वर ज्ञानदेव नरवाडे, धोंडीराम मारूती पाटील व राजेंद्र देवराव शिंदे यांनी नागरिकांना मोठ्या संख्येने उपस्थित राहण्याचे आवाहन केले आहे.

कार्यक्रमाचे स्वागताध्यक्ष म्हणून डॉ. अभिमन्यु तेजराव शिंदे (M.B.B.S., M.S. Obs-Gynac, Fertility Specialist, Gynac Endoscopic Surgeon) व डॉ. सविता अभिमन्यु शिंदे (M.B.B.S., D.N.B. Pediatrics, L.A.F. Neonatology) हे उपस्थित मान्यवरांचे स्वागत करणार आहेत.

उद्घाटनानंतर उपस्थितांसाठी स्नेहभोजनाचीही व्यवस्था करण्यात आली आहे. हा कार्यक्रम बी.डी.सी.सी. बँकेच्या पाठीमागे, खामगाव चौफुलीजवळ, चिखली येथे होणार असून नागरिकांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांनी केले आहे.