चतुर्थ श्रेणी मान्यता मागणीसाठी महसूल सेवकांचे नागपुरात आमरण उपोषण; बुलढाणा जिल्ह्यातील पदाधिकारीही सहभागी...

महसूल सेवकांची जबाबदारी अत्यंत महत्त्वाची असून ते शेतसारा वसुली, पंचनामे, पिकांचे नुकसान, अतिवृष्टी व दुष्काळ अहवाल, निवडणुकीची कामे, नोटीस बजावणी, ई-पिक पाहणी, तसेच शेतकरी, शेतमजूर, अनाथ, विधवा आणि अपंग लाभार्थ्यांपर्यंत शासकीय योजना पोहोचवणे या अनेक कामांमध्ये सातत्याने योगदान देतात.
बुलढाणा जिल्हा सचिव विष्णू सानप यांनी सांगितले की, “मागणी मान्य होईपर्यंत हे आमरण उपोषण सुरुच राहील.”
नागपूर येथील उपोषणात जिल्हा कार्याध्यक्ष अनुप म्हस्के, तसेच बुलढाणा जिल्ह्यातील सर्व १३ तालुक्यांतील अध्यक्ष आणि महसूल सेवक मोठ्या संख्येने सहभागी झाले आहेत.