डोळ्यासमोर पंढरी, आणि पांडुरंगाला नाचते पाहण्याचे भाग्य मिळाले- आमदार श्वेताताई महाले; चिखलीमध्ये "विठू माऊलीच्या दारी" कार्यक्रम उत्साहात व भर पावसात संपन्न..!

 ज्ञानेश्वर माऊलीची ही 725 वी जयंती आहे आणि सोबतच श्री संत तुकाराम महाराजांची ही 425 वी जयंती आहे आणि अशा या शुभमुहूर्तावरती देवा भाऊंनी आयोजित केलेला हा वारकऱ्यांसाठीचा हा कार्यक्रम आहे. आपल्या महाराष्ट्रामध्ये तर प्रत्येकाची इच्छा असते की आपण सुद्धा पांडुरंगाची सेवा करावी, आपण सुद्धा वारीमध्ये जावं, पांडुरंगाचे दर्शन घ्यावं परंतु संसारिक माणसाला ते शक्य होत नाही परंतु आज राजेश सरकटे यांच्या माध्यमातून आपल्याला अनुभवता आलं की पंढरीची वारी कशी असते आणि त्या वारीचा अनुभव, साक्षात्कार आपण वारीमध्ये आहोत की काय? त्याचा साक्षात्कार आपल्याला या ठिकाणी झालेला आहे. असे गायक कलावंत यांच्या स्तुतीपर आ. सौ. श्वेता महाले पाटील म्हणाल्या.

 गायक राजेश सरकटे, गायिका अमृता नातू त्याचप्रमाणे राजेश सरकटे यांची कन्या गायिका पायल सरकटे यांनी गायनातून अक्षरक्ष पंढरी डोळ्यासमोर उभी केली आणि पांडुरंगाला नाचते केले. अशा शब्दात गायक व संचांचे आमदार सौ श्वेता महाले पाटील यांनी कौतुक केले. कलावंतांना असं पाठबळ हव असत, कापसाची भूमी म्हणून विदर्भ ओळखला जात होता या कापसाच्या वाती आणि सरकीतलं तेल आणि त्या सगळ्यांचे परंपरा जपणारी सगळी मंडळी येथे आहोत आणि म्हणून आपण सगळे दुष्काळी शेतीच्या बापाचे वंश आहोत, दिस जातील दिस येतील या भावनेने आपण आयुष्य जगत असतो पण मला असं वाटतं की या ठिकाणी आमदार महोदय जेव्हा स्वतः वारीमध्ये जातात त्यामध्ये एसटी बस मध्ये बसून नागपूरच्या अधिवेशनाला जाणारे सांगोल्याचे आमदार गणपतराव काका आणि वारीमध्ये सामील होणाऱ्या चिखलीच्या आमदार श्वेता ताई महाले यांचे वेगळं पण आपण निश्चितच लक्षात घेण्यासारखे आहे, वाखाण्यासारखे आहे.असे गायक राजेश सरकटे यांनी मनोगत व्यक्त केले.

  बहिणाबाई चौधरी एका ठिकाणी म्हणतात की "माहेर म्हणता म्हणता ओठ ओठाला ग मिळे, सासर म्हणता म्हणता वार तोंडामध्ये खेळे!!  म्हणून विठू माऊलीच्या पंढरीला जाणं म्हणजे माहेरी जाण्यासारखा आहे, चंद्रभागा ही साक्षात माझी बहीण आहे हे गृहीत धरून जेव्हा आपण वारीत सामील होतो तेव्हा निश्चितच जीवनाचे आध्यात्मिक सूत्र आपल्याला सापडायला लागते अशा शब्दात प्रा. विनोद सरकटे यांनी आपले मनोगत व्यक्त केले. या संपूर्ण कार्यक्रमांमध्ये विठ्ठल, विठ्ठलाची भक्ती, पंढरपूर आणि एकूणच भक्ती संप्रदायाचा भक्तीरस श्रवन करून श्रोत्यांचे कर्ण तृप्त झाले. याप्रसंगी आमदार सौ श्वेता महाले पाटील यांच्यासह प्रा. सदानंद देशमुख, कर्नल जतकर,अंकुशराव पाटील, सुहास शेटे, पंडित दादा देशमुख, सागर पुरोहित, संजय गाडेकर,सुधीर चेके,राजेंद्र काळे, सुरेंद्र पांडे, संजय अमृतवार, ठाणेदार संग्राम पाटील, मुख्याधिकारी प्रशांत बिडगर, गटविकास अधिकारी समाधान वाघ,श्री गजानन पोफळे, अशोक अग्रवाल, शरद भाला, विजय वाळेकर इत्यादी जण उपस्थित होते