पैशाच्या वादातून युवकावर धारदार शस्त्राने हल्ला; चार आरोपींविरुद्ध गुन्हा दाखल !

मिळालेल्या माहितीनुसार, समतानगर येथील आकाश खंदारे याच्याकडे सोयाबिन विक्रीसंबंधी इसाराचे काही पैसे देणे-घेणे प्रलंबित होते. या कारणावरून आरोपी समाधान मोरे याने रागाच्या भरात विळ्याने उजव्या हातावर वार करून खंदारे याला गंभीर जखमी केले. त्याच्यासोबतचे निमा, अणु आणि गोपाल या तिघांनीही शिवीगाळ करत लाथाबुक्क्यांनी मारहाण केली तसेच पीडिताला जीवे मारण्याची धमकी दिली. या घटनेनंतर विशाल घुले यांनी देऊळगाव राजा पोलिस ठाण्यात फिर्याद दाखल केली असून, पोलिसांनी चार आरोपींविरुद्ध भारतीय दंड विधानातील (भादंवि) संबंधित कलमानुसार गुन्हा दाखल केला आहे.
पुढील तपास पोलीस हेड कॉन्स्टेबल नायबराव मोगल हे पोलीस निरीक्षक ब्रह्मागिरी यांच्या मार्गदर्शनाखाली करीत आहेत.