शाळकरी मुली आणि दिव्यांग महिलांसाठी अनुदान योजना — ५ ऑगस्टपासून अर्ज प्रक्रिया सुरू! बुलडाणा जिल्हा परिषदेची खास योजना; असा करा अर्ज....

दोन्ही योजनांसाठी पात्र लाभार्थींनी आपल्या तालुक्याच्या एकात्मिक बालविकास प्रकल्प कार्यालयातून अर्ज नमुना प्राप्त करून, आवश्यक कागदपत्रांसह तो पूर्ण भरून सादर करणे अपेक्षित आहे. अर्ज नमुने व अटी-शर्ती संबंधित प्रकल्प कार्यालयात तसेच जिल्हा परिषदेच्या अधिकृत संकेतस्थळावर zpbuldhana.maharashtra.gov.in या ठिकाणी उपलब्ध आहेत.

अर्ज स्वीकारण्याची प्रक्रिया 5 ऑगस्ट 2025 पासून सुरू होणार असून अर्ज सादर करण्याची अंतिम मुदत 4 सप्टेंबर 2025 आहे. बुलढाणा, चिखली, देऊळगाव राजा, सिंदखेडराजा, लोणार, मेहकर, मोताळा, नांदुरा, मलकापूर, खामगाव, शेगाव, जळगाव जामोद आणि संग्रामपूर या तालुक्यांतील लाभार्थींनी संबंधित प्रकल्प कार्यालयात आपले अर्ज वेळेत सादर करावेत, असे आवाहन जिल्हा परिषदेचे उपमुख्य कार्यकारी अधिकारी यांनी केले आहे.