बुलढाणा जिल्ह्यात ओला दुष्काळ जाहीर करुन हेक्टरी ५० हजार मदत द्या! उद्धव सेनेचे आमदार सिद्धार्थ खरात यांची मुख्यमंत्री फडणवीस यांच्याकडे मागणी..!

पंचनाम्याची प्रक्रिया सुरू असतानाच दिनांक २२ रोजी पुन्हा लोणार व मेहकर तालुक्यात ढगफुटी सदृश अतिवृष्टी होऊन मोठे नुकसान झाले. त्यानंतर १७ ते २० ऑगस्ट या कालावधीत झालेल्या अतिवृष्टीमुळे उरलीसुरली पिके देखील हातातून गेली आहेत.

या भीषण परिस्थितीच्या पार्श्वभूमीवर मेहकर व लोणार तालुक्यांसह संपूर्ण बुलडाणा जिल्ह्यात ओला दुष्काळ जाहीर करून शेतकऱ्यांना तातडीने नुकसानभरपाई द्यावी, अशी ठोस मागणी आमदार सिद्धार्थ खरात यांनी मुख्यमंत्री देवेंद्र फडणवीस यांना प्रत्यक्ष भेटून केली व मागणीचे निवेदन त्यांना दिले.