सुंदरखेड येथे ‘आऊषा फाउंडेशन’तर्फे महिला संवाद मेळावा उत्साहात; स्नेहाताई भंडारे म्हणाल्या, एक महिलाच समजू शकते दुसऱ्या महिलेचे प्रश्न ! विविध विषयांवर सौ. भंडारेंनी साधला माय–माऊल्यांशी  संवाद...

गेल्या अनेक वर्षांपासून ‘आऊषा फाउंडेशन’च्या माध्यमातून महिलांसाठी कार्य करत असल्याचे नमूद करत, भविष्यातही हे कार्य अधिक प्रभावीपणे सुरू राहील, असे स्नेहा भंडारे यांनी सांगितले. महिलांच्या समस्या समजून घेऊन त्या सोडवण्यासाठी महिलांनीच पुढे येणे आवश्यक असून एक महिलाच दुसऱ्या महिलेचे दुःख अधिक चांगल्या प्रकारे समजू शकते, असा विश्वास त्यांनी व्यक्त केला.

या संवाद मेळाव्यात महिलांनी मोकळेपणाने आपली मते मांडली. महिलांचा आत्मविश्वास, सक्रिय सहभाग आणि सकारात्मक प्रतिसाद पाहता महिलांच्या प्रश्नांसाठी अधिक ठामपणे काम करण्याचा निर्धार यावेळी व्यक्त करण्यात आला. महिलांच्या सहभागातून सशक्त कुटुंब आणि प्रगत समाज घडवता येईल, अशी भावना या संवादातून व्यक्त झाली.या महिला संवाद मेळाव्यास सुंदरखेड परिसरातील महिलांचा उत्स्फूर्त आणि मोठ्या प्रमाणावर प्रतिसाद लाभला.