...म्हणून रविना टंडनने केले घटस्फोटिताशी लग्न!

By News Desk Mar 15, 2022, 16:59 IST

बॉलीवूड अभिनेत्री रविना टंडन तिच्या काळातील एक आघाडीची अभिनेत्री होती. अभिनयाच्या बळावर तिने अनेक चित्रपट यशस्वी करून दाखवले. आजही ती बॉलिवूडमध्ये सक्रिय आहे. करिअरच्या शिखरावर असताना तिच्याकडे अनेक जाहिराती होत्या. जाहिरातींमधून सुद्धा तिने कोट्यवधी रुपयांची कमाई केली. अभिनेत्यांपासून तर चित्रपटसृष्टीची निगडित असलेल्या अनेकांचा रविनावर जीव जडला होता. मात्र असे असताना रविनाने एका घटस्फोटित उद्योगपतीशी लग्न करण्याचा निर्णय घेतला. रविनाच्या या निर्णयाचे त्यावेळी अनेकांना आश्चर्य वाटले. मात्र गेल्या २० वर्षांपासून दोघांचा सुखाचा संसार सुरू आहे. घटस्फोट, ब्रेकअप या गोष्टी बॉलिवूडला नवीन नाहीत. बॉलिवूडमध्ये कुणाचे नाते फार काळ टिकत नाही. मात्र असे असताना रविनाचा तिच्या पतीसोबतचा संसार अतिशय आनंदात सुरू आहे.

उद्योगपती आणि चित्रपट वितरक अनिल थडाणी आणि रविना पहिल्याच भेटीत एकमेकांच्या प्रेमात पडले होते. पहिल्या भेटीच्या दोन महिन्यांनंतर दोघांनी एकमेकांच्या प्रेमाची कबुली दिली. योग्य जीवनसाथी मिळाल्याची खात्री झाल्याने दोघांनी लग्नाला उशीर केला नाही. विशेष म्हणजे रविनाने लग्नाआधीच दोन मुलींना दत्तक घेऊन आई होण्याचा निर्णय घेतलेला होता. जो व्यक्ती आपल्या मुलींनासुद्धा प्रेम देईल त्याच्याशीच लग्न करेल, असा निर्णय रविनाने घेतलेला होता आणि उद्योगपती अनिल यांनी रविनाच्या निर्णयाचा स्वीकार केला. त्‍याचबरोबर दोघांच्या लग्नाचा मार्ग मोकळा झाला. लग्नानंतरसुद्धा अनिल रविनाला दिलेले वचन पाळताना दिसत आहे. पतीच्या वाढदिवशी रविनाने केलेल्या एका पोस्टमध्ये पतीचे खूप कौतुक केले. जो तुम्हाला जसेच्या तसे स्वीकारतो असा जोडीदार कुणाला नको असेल. सर्वोत्तम पती, वडील, जावई असे रविनाने पतीचे कौतुक केले आहे. दोघांच्या प्रेमामुळे त्यांचे नाते आजपर्यंत मजबुतीने टिकून आहे.