सत्तेत असून फायदा काय भो आपला? शिवसेनेचे तालुकाप्रमुख १० दिवसांपासून खडकपूर्णा धरणात उपोषणला बसलेत,पण सरकार दखल घ्यायला तयार नाही...

जिल्ह्यात सत्ताधारी शिवसेनेचे खासदार, २ आमदार, माजी आमदार आहेत. मात्र असे असताना आंदोलनाची वेळ का यावी? उपोषणकर्त्यांच्या मागण्याच योग्य नाहीत असे सरकारला म्हणायचे आहे का? योग्य असतील तर मग १० दिवसांपासून उपोषण सुरू असताना आतापर्यंत त्यावर का यथोचित कारवाई झाली नाही असे अनेक प्रश्न आता उपस्थित होऊ लागले आहेत. शिवसेना तालुका प्रमुखांच्या या उपोषणाच्या समर्थनार्थ देऊळगावराजात शिवसेनेच्या वतीने रास्तारोको आंदोलनही करण्यात आले, मात्र अद्यापही एकनाथ शिंदेच्या नेतृत्वाखालील राज्य सरकारने या आंदोलनाची दखल घेतली नाही.