मोलकरणीवर प्रेमाचे जाळे; वारंवार शरीरसंबंध, व्हिडिओ काढून केला व्हायरल, वकिलाचा कारनामा!

सूत्रांच्या माहितीनुसार, राजेश साहेबराव गवई (रा. श्यामनगर, जळगाव) या वकिलाच्या घरी पीडित महिला मोलकरीण म्हणून काम करत होती. त्‍याने तिला वेगवेगळे आमिष दाखवून तिच्यासोबत प्रेमसंबंध तयार केले. मोलकरणीच्या नवऱ्यालासुद्धा त्‍याने तुझ्या बायकोवर माझे प्रेम असल्याचे सांगितले. त्यामुळे पीडितेच्या पतीने तिच्याशी नाते तोडले. त्यामुळे वकिलाला मोकळीक मिळाली होती.

तिच्या असाह्यतेचा फायदा घेत वकिलाने तिच्याशी अनेकदा शरीरसंबंध प्रस्थापित केले. या संबंधाचे व्हिडिओ चित्रीकरण करून त्‍याने ते व्हिडिओ व्हायरल करून तिची बदनामी केली. अखेर काल, २२ डिसेंबर रोजी पीडित महिलेने पोलिसांत धाव घेतली. पोलिसांनी वकिलाविरुद्ध गुन्हा दाखल केला आहे. विशेष म्हणजे सरकारी वकील असताना या वकिलाविरुद्ध एसीबीने सुद्धा कारवाई केली होती.