ते आमच्या घरचं लग्न, आम्ही कायबी करू... सुप्रिया सुळेंची प्रतिक्रिया

रेनेसाँ या फाइव्‍ह स्‍टार हॉटेलमध्ये हा सोहळा पार पडला होता. एसटी कर्मचारी आत्महत्या करताहेत, शेतकरी आत्महत्या करताहेत आणि तुम्ही असंवेदनशीलपणे लग्नात नाचता, अशी टीका भाजपा नेते राधाकृष्ण विखे-पाटील यांनी केली होती. एकीकडे लोक आत्महत्या करताहेत. शेतकऱ्यांची वीज कापली जात आहे. गावे अंधारात आहे. जनाची नाही तर मनाची तरी ठेवा, असेही विखे पाटील म्‍हणाले होते. सोशल मीडियावरही सुप्रिया सुळे आणि राऊत यांच्या टीका झाली होती. सुप्रिया सुळे यांनी टीकाकारांनाच प्रत्‍युत्तर देत टीका करण्याचा अधिकार नसल्याचे म्‍हटले आहे. ठाण्याचे जिल्हाधिकारी राजेश नार्वेकर यांचे चिरंजीव मल्हार यांच्याशी पूर्वशीचा विवाह झाला आहे. लग्नसोहळ्याचा थाटबाट डोळे दीपवणारा ठरला. कोट्यवधी रुपये या लग्नात खर्च करण्यात आल्याचे दिसून येते. एकीकडे अतिवृष्टीमुळे झालेल्या नुकसानीमुळे शेतकरी मरत असताना, शेतकऱ्यांची वीज कापली जात असताना, कोरोनाच्या नव्या व्हायरसचे थैमान डोक्‍यावर संकटासारखे असताना लग्नात झालेल्या या खर्चाबद्दल टीका होत आहे. खर्च कसा आणि कुणी केला, यावरही प्रश्नचिन्ह निर्माण होत आहे.