डिलिव्हरी बॉयचे तरुणीसमोर पँटची झिप उघडून अश्लील कृत्‍य!

सतीश केंधळे असे या डिलिव्हरी बॉयचे नाव पोलीस तपासात समोर आले आहे. त्‍याच्याविरुद्ध पोलिसांनी विनयभंगाचा गुन्हा दाखल करत अटक केली आहे. तरुणीसोबत हा प्रकार १ डिसेंबरला रात्री पावणेदहाच्या सुमारास घडला. तिने एका ऑनलाइन वेबसाईटवरून लॅपटॉपची बॅग ऑर्डर केली होती. ही बॅग घेऊन तरुण आला होता. त्‍याने बॅग तिच्याकडे दिल्यानंतर पँटची झिप उघडली आणि अश्लील कृत्‍य केले. तरुणीने घाबरून तिच्या आईला हा प्रकार सांगितला. तिच्या आईने त्‍याला जाब विचारला असता मी कोणाला घाबरत नाही. काय करायचे ते करा, अशी धमकी त्‍याने दिली.तरुणीने पोलिसांत धाव घेऊन तक्रार दिली.