मुंबई हादरली..!; २० वर्षीय तरुणीची बलात्‍कार करून हत्‍या

काही तरुण या इमारतीवर इन्स्टाग्रामसाठी व्हिडिओ शूट करायला गेले, तेव्हा ही घटना समोर आली. तरुणीची ओळख अद्याप पटलेला नाही. मुंबई आणि राज्यातील सर्वच पोलीस ठाण्यात तिचे छायाचित्र पाठवून ओळख पटविण्यात येत आहे. पोलिसांना घटनेची माहिती मिळताच ते घटनास्‍थळी आले. त्‍यांनी मृतदेह राजावडी रुग्णालयात पाठवला. डॉक्टरांच्या अहवालानंतर तिच्यावर हत्‍येपूर्वी अमानुष पद्धतीने बलात्कार झाल्याचे समोर आले आहे. अज्ञात व्यक्‍तीविरुद्ध पोलिसांनी गुन्‍हा दाखल केला आहे.
दरम्‍यान, भाजपच्या चित्रा वाघ यांनी या घटनेवर संतप्त प्रतिक्रिया व्यक्‍त केली आहे. मुंबईत कुर्ला इथं तरुणीवर बलात्कार करून हत्या करण्यात आलीय... तिचा मृतदेह अजूनही बेवारस पडून आहे... महिलांच्या सुरक्षिततेसाठी ओळखली जाणारी मुंबई आता ‘जंगलराज’च्या वाटेवर आहे, असे शरसंधान त्‍यांनी राज्य सरकारवर साधले आहे.