साडेसात तासांपेक्षा कमी झोप म्‍हणजे स्मरणशक्‍तीची माती!, होऊ शकतो अल्झायमर्स...!!

मेंदूवर होणाऱ्या या परिणामामुळे विचार करण्याची क्षमता आणि स्मरणशक्तीवर परिणाम होतो. अपुऱ्या झोपेमुळे अनेक गोष्टींचे विस्मरण होण्याची शक्यता असते. कमीत कमी साडेसात तास झोप ही आरोग्यासाठी आवश्यक आहे. साडेसात तास झोपल्याने विस्मरणाचा आजार होण्याची शक्यता कमी असते.

झोप येत नसेल तर...
झोप येत नसेल तर कोमट दूध पिल्याने चांगली झोप येते, असा दावा संशोधकांनी केला आहे. दुधात ट्रीफ्टोफन नावाचे अमिनो ॲसिड असते. त्यामुळे तणाव  कमी होऊन चांगली झोप लागण्यास मदत होते.

झोप आणि अल्झायमर्स...
संशोधकांनी केलेल्या दाव्यानुसार, अपूर्ण झोप आणि अल्झायमर्सचा सरळ संबंध आहे. कमी झोपेमुळे लक्षात न राहणे, भ्रम होणे तसेच नवीन गोष्टी समजून घेताना अडचण येणे हे अल्झायमर्सचे लक्षण आहे. या आजारापासून वाचायचे असेल तर कमीत कमी साडे-सात तास झोप आवश्यक आहे.