धक्कादायक... स्पा सेंटरमध्ये काम करणाऱ्या महिलेवर मालकाचा बलात्कार; मॅनेजरनेही साधली संधी

पोलीस सूत्रांच्या माहितीनुसार, पीडित महिला हरियाणा राज्यातील रहिवासी आहे. ती रोजगारासाठी जळगावला आली होती. नोव्हेंबर २०२१ पासून ती जळगावातील रिंग रोडवर असलेल्या दत्तू मानेच्या स्पा सेंटरवर मसाज करण्याचे काम करत होती. २४ फेब्रुवारीला दत्तू माने नाशिकवरून जळगावला आला. स्पा सेंटरमध्ये त्याने महिलेकडून मसाज करून घेतली. त्यानंतर महिलेसोबत जबरदस्ती शारीरिक संभोग केला.

घडला प्रकार कुणाला सांगितल्यास उरलेला पगार देणार नाही, अशी धमकीसुद्धा त्‍याने दिली. त्यानंतर मॅनेजर बडगुजर आणि जैन यांनी तिचा विनयभंग केला आणि महिलेला नोकरीवरून काढून टाकले. अखेर पीडितेने पोलीस ठाण्यात तक्रार दिली. तक्रारीवरून मानेसह मॅनेजर बडगुजर व कर्मचारी जैन यांच्याविरुद्ध गुन्हा दाखल करण्यात आला आहे.