रेल्वेस्थानकावर युवकाचे महिलेसमोर अश्लील चाळे!

शमशाद मुमताज अन्सारी असे पोलिसांनी अटक केलेल्या आरोपीचे नाव आहे. रेल्वे पोलिसांनी दिलेल्या माहितीनुसार, महिला रोज नोकरीनिमित्त लोअर परळ ते चर्चगेट असा लोकलने प्रवास करते. ८ ते १० दिवसांपासून शमशाद रेल्वेस्थानकावर तिला गाठायचा व तिच्याकडे पाहत अश्लील चाळे करायचा. दोन दिवसांपूर्वी सकाळी महिला तिच्या भावासोबत रेल्वेस्टेशनवर आली होती.

शमशादने तिला गाठत तिच्यासमोर उभे राहत अश्लील चाळे केले व गुप्तांग दाखवले. महिलेच्या भावाने हा प्रकार पाहिल्यानंतर त्याने त्‍याला जाब विचारला तेव्हा तो धक्काबुक्की करत पळून जाण्याचा प्रयत्न केला. मात्र महिलेच्या भावाने पाठलाग करून त्याला पकडले आणि पोलिसांच्या ताब्यात दिले.