गौतम अदानी देशातील सर्वांत श्रीमंत व्यक्ती!
Apr 4, 2022, 13:26 IST
मुंबई ः १०० बिलियन अमेरिकन डॉलर्स संपत्ती असणाऱ्या व्यक्तींच्या यादीत अदानी समूहाचे संस्थापक आणि अध्यक्ष गौतम अदानी यांचा समावेश झाला आहे. अदानी यांनी रिलायन्स इंडस्ट्रीज लिमिटेडचे अध्यक्ष मुकेश अंबानी यांना मागे टाकले आहे. याचबरोबर ते भारतातील सर्वात श्रीमंत व्यक्ती ठरले आहेत.
ब्लुमबर्ग बिलेनियर्स इंडेक्सच्या आकेडवारीतून ही बाब समोर आली. एलॉन मस्क यादीत पहिल्या क्रमांकावर आहेत. स्पेस एक्स आणि इलेक्ट्रीक कार तयार करणाऱ्या टेस्ला कंपनीचे ते सर्वोसर्वा आहेत. दुसऱ्या स्थानी अ‍ॅमेझॉनचे जेफ बेझोस असून, तिसऱ्या स्थानी बर्नार्ड आरनॉल्ट आहेत. अदानींची संपत्ती वर्षभरापासून प्रत्येक आठवड्याला सहा हजार कोटींनी वाढत आहे. २४ बिलियन अमेरिकन डॉलर्सची वाढ वर्षभरात झाली असून, एकूण संपत्ती ९९ बिलियन अमेरिकन डॉलर्सवर गेली आहे. फेसबुकचा मार्क झुकरबर्ग यादीत १२ व्या स्थानी आहे.