याला म्हणतात गाव..! अवैध धंद्याच्या विरोधात सरपंच, उपसरपंच, गावकरी एकवटले!!; बेमुदत उपोषण सुरू

१८ डिसेंबर रोजी ग्रामपंचायत प्रशासनाने बोराखेडी पोलिसांना अवैध धंदे बंद करण्यासंदर्भात निवेदन दिले होते. गावात अवैध धंद्यामुळे महिलांवरील अत्याचारात वाढ होत आहे. तरुण मुलेही व्यसनाच्या आहारी जात आहेत. ग्रामपंचायत प्रशासनाने अवैध धंदे बंद करण्यासाठी तसा ठरावही घेतल्याचे पोलीस प्रशासनाला अवगत करून दिले होते. मात्र अपेक्षित कारवाई झाली नसल्याचा आरोप करून सरपंच ॲड. नंदकिशोर खोदले, उपसरपंच जगन्‍नाथ भोपळे यांच्यासह सदस्य व गावकरी उपोषणाला बसले आहेत.