कापसाच्या झाल्या वाती..! भाव पडल्याने आवक मंदावली; हजारो क्विंटल कापूस घरात पडून

जिल्ह्यातल्या बहुतांश कापूस उत्पादक शेतकऱ्यांनी भाववाढीच्या अपेक्षेने कापूस विक्री केली नाही. मात्र अद्याप भाव वाढत नसल्याने शेतकऱ्यांची निराशा झाली आहे.  दोन दिवसांपूर्वी कापूस ८ हजार प्रतिक्विंटल पर्यंत पोहचला होता, मात्र दोनच दिवसांत पुन्हा दर उतरले. सध्या दरात चढ उतार असले तरी यंदाही मागील वर्षी सारखी दरात वाढ होण्याची अपेक्षा शेतकऱ्यांना आहे. दरम्यान सध्या तुरीचे दर ६  हजार ३०० ते ६ हजार ६०० एवढे स्थिर आहेत. तूर ८ हजार रुपयांपर्यंत जाण्याची शेतकऱ्यांना आशा आहे.