रविभाऊ जिंकल्यावरच चप्पल घालणार, तुपकर समर्थकाचा अनोखा संकल्प! एक हाताने कार चालविणारा सारथी म्हणतो गुलाल घेतल्यावरच इलाज, सिंदखेडराजा मधील कार्यकर्त्यांचा जिद्दबाज प्रचार

हे शूर मावळे एकाच गावचे आहेत. त्यातील राम वसंतराव देवरे याने मागील एकदीड महिन्यापासून पायात चप्पल घालणं सोडलं! सध्या सूर्य आग ओकू लागला आणि सिंदखेडराजा तालुक्यातील तापमान ४२ डिग्रीच्या आसपास आहे. जमीनपण तापली आहे. या भीषण तापमानातही ह्यो गडी बिना चप्पल, गावोगावी फिरत आहे. रविभाऊ लोकसभा जिंकले, खासदार झाले, गुलाल अंगावर घेतल्यावरच पायात चप्पल घेईल. राम भाऊचा असा अनोखा निर्धार अन अनोखे 'अनवाणी व्रत! सोबतीला संदीप देवरे, अनिल देवरे आणि गजानन डीघोळे हे जिवाभावाचे सवंगडी. सगळे काळ्या आईची सेवा करून पिकं घेणारे युवा शेतकरी. मात्र तुपकरांची रथ यात्रा सुरू झाल्यापासून ते २६ एप्रिलला होणाऱ्या मतदान पर्यंत त्यांनी' सुट्टी' घेतली आहे.