शरद पवार तुपकरांना म्‍हणाले, जिवावर बेतणारी आंदोलने करू नका!

विदर्भात सोयाबीन उत्पादक शेतकऱ्यांची संख्या मोठी आहे. काही महिन्यांपूर्वी १० - ११ हजार रुपये प्रतिक्विंटल दराने विकली जाणारी सोयाबीन केंद्राच्या चुकीच्या धोरणाने मातीमोल भावात विकली  गेली. सोयाबीनचे भाव खुल्या बाजारात किमान ८ हजार प्रतिक्विंटल इतके स्थिर राहावे. यासाठी केंद्राने सोयापेंडीची आयात करू नये या विषयात तुम्ही लक्ष घालून केंद्राकडे यासाठी पाठपुरावा करावा, अशी विनंती तुपकरांनी शरद पवार यांना केली. तेव्हा आपण राष्ट्रवादीच्या खासदारांना व महाविकास आघाडीच्या सर्वच खासदारांना या विषयाला सभागृहात वाचा फोडण्यासाठी सूचना करू, असे पवार म्हणाले. पवारांनी यावेळी तुपकरांच्या तब्येतीची सुद्धा आपुलकीने विचारपूस केली. जीवावर बेतणारी आंदोलने करू नका. तब्येतीला जपा, असा सल्लाही शरद पवारांनी तुपकरांना दिला. यावेळी शेतीविषयक अन्य विषयांवरही तुपकरांनी पवारांशी चर्चा केली. सोयाबीनच्या प्रश्नावर आणखी अन्य काही महत्त्वाच्या नेत्यांच्या भेटी घेणार असल्याचे तुपकर यांनी बुलडाणा लाइव्हशी बोलताना म्हणाले.