नगरपंचायतीचे मतदान शांततेत! मोताळ्यात ७९% तर संग्रामपूरमध्ये ८३.४५% मतदान

संग्रामपूर व मोताळा नगरपंचायतीमध्ये नागरिकांचा मागास प्रवर्गाच्या प्रत्येकी ४ राखीव जागा वगळता अन्य जागांसाठी निवडणूक घेण्यात आली. दोन्‍ही ठिकाणी १३-१३ जागांसाठी निवडणूक झाली. मतमोजणी १९ जानेवारी २०२२ रोजी तहसील कार्यालयातील मतमोजणी केंद्रावर होणार आहे, अशी माहिती नगर प्रशासन विभागाकडून प्राप्त झाली आहे. संग्रामपूर नगरपंचायत निवडणुकीसाठी स्त्री मतदार १९६५ व पुरुष मतदार २१०१ असे एकूण ४०६६ मतदार होते. त्यापैकी १७९८ पुरुष मतदारांनी व १५९५ स्त्री मतदार असे एकूण ३३९३ मतदारांनी मतदानाचा हक्क बजाविला. मोताळा नगरपंचायत निवडणुकीसाठी स्त्री मतदार २९६८ तर पुरुष ३२९० असे एकूण ६२५८ मतदार होते. त्यापैकी स्त्री २१४१ व पुरुष २३९६ असे एकूण ४५३७ मतदारांनी मतदानाचा हक्क बजाविला.