मतमोजणी अपडेट! दुसऱ्या फेरीतही धिरज लिंगाडे आघाडीवर; किती मतांनी ते वाचा...! निकालासाठी दुसऱ्या पसंतीची मते मोजावी लागण्याची शक्यता

रणजित पाटील यांना एकतर्फी विजयाची आशा होती. मात्र रणजित पाटलांच्या आशेला लिंगाडे यांनी चांगलाच सुरुंग लावल्याचे चित्र आहे. ऐनवेळी उमेदवारी जाहीर होऊनही लिंगाडे यांनी प्रचारात जोरदार आघाडी घेतली होती तर दुसरीकडे आपला पराभव होणारच नाही असे गृहीत धरून रणजित पाटील यांनी प्रचाराच्या तंत्राकडे नीट लक्ष दिले नाही. त्याचा थेट परिणाम आता मतमोजणी मध्ये समोर येतांना दिसतोय. पोस्टल मतदानात सुद्धा लिंगाडे यांनी आघाडी घेतली होती.त्यानंतर पहिल्या फेरीत लिंगाडे यांना ११ हजार ९९२ तर भाजपच्या रणजित पाटलांना ११ हजार ३१२ मते मिळाली. दरम्यान दुसऱ्या फेरीच्या मतमोजणीनंतर धिरज लिंगाडे यांना २३ हजार ४१७ तर रणजित पाटील यांना २१ हजार ९७१ मते मिळाली आहेत. दरम्यान निर्णायक निकाल हाती येण्यासाठी दुसऱ्या किंवा तिसऱ्या पसंतीची मते मोजावी लागण्याची चिन्हे आहेत.