बुलडाणा तालुक्यातील १० ग्रामपंचायतीसाठी ४८ मतदान केंद्रावर मतदान; दुपारी १२ पर्यंत २५.३० टक्के मतदान! दुपारनंतर मतदानासाठी गर्दी वाढायला सुरुवात..!!

दुपारी १२ नंतर मतदान केंद्रावर गर्दी वाढायला लागली होती. पहिला व दुसरा टप्पा असे  दोन्ही टप्पे मिळून आतापर्यंत महिला ३२०२ व पुरुष ३५७२ मतदारांनी मतदान केले. या मतदानाची २५.३० इतकी टक्केवारी आहे. बुलडाणा तालुक्यात ३० हजार २९९ एकूण मतदार आहेत.बुलडाणा तालुक्यात १० ग्राम पंचायत निवडणूकीची मतदान प्रक्रिया सुरू आहे.

तहसील कार्यालयामार्फत ४८ ग्रामपंचायत निवडणुकीच्या मतदान केंद्रावर कालच चमु रवाना करण्यात आली होती. प्रत्येक चमूत ४ कर्मचारी १ पोलीस कर्मचारी असे ५ व्यक्ती असून कर्तव्य बजावत आहेत. या सोबतच ५ निवडणूक निर्णय अधिकारी ५ सहाय्यक निवडणूक निर्णय अधिकारी यांचा देखील पुढाकार आहे. दुपारी बारा वाजेपर्यंत पहिला व दुसरा टप्पा मिळवून एकूण २५.३० मतदानाची टक्केवारी असल्याची माहिती  नायब तहसीलदार( निवडणूक) प्रफुल्लीता सातपुते यांनी दिली