विकासकामांचा झंझावात! आमदार डॉ. राजेंद्र शिंगणे यांच्या हस्ते इसरूळ येथे विविध विकासकामांचे भूमिपूजन संपन्न !

इसरूळ येथील श्रीकृष्ण मंदिर येथे स्थानिक विकास निधी मधून १४ लक्ष रुपयांच्या सभामंडपाचे भूमिपूजन आमदार डॉ.शिंगणे यांनी केले. याशिवाय गावातील मारुती मंदिर परिसरात जनसुविधा योजनेअंतर्गत ५ लक्ष रुपये खर्च करून बसविण्यात आलेल्या पेव्हर ब्लॉक चे लोकार्पण सुद्धा त्यांनी केले. तसेच २५/१५ योजनेतून २० लक्ष रुपये खर्च करून बांधण्यात येत असलेल्या शादीखाना बांधकामाला भेट देत कामाची पाहणी डॉ. शिंगणे यांनी केली. यावेळी इसरुळ ग्रामस्थ मोठ्या संख्येने उपस्थित होते.