पंकजा मुंडेना विधानपरिषदेचे तिकीट नाकारल्याने मुंडे समर्थक खवळले! देऊळगावराजात टरबूज फोडले

महाराष्ट्र विधानपरिषदेसाठी भाजपने जाहीर केलेल्या उमेदवारांत पंकजा मुंडे यांचे नसल्याने मुंडे समर्थक नाराज आहेत. काल, परवा एका मुंडे समर्थकाने भर पत्रकार परिषदेत विष प्राशन करून आत्महत्येचा प्रयत्न केला होता. त्यानंतर विरोधी पक्षनेते देवेंद्र फडणवीस यांच्याविरोधात पंकजा मुंडे समर्थकांनी आघाडी उघडली आहे. पंकजा मुंडे या बहुजन नेत्या आहेत.

त्यामुळेच भाजपा बहुजन नेतृत्वाला  पुढे येऊ देत नाही असा आरोप देऊळगाव राजा येथे कार्यकर्त्यांनी केला. येणाऱ्या काळात जिल्हा परिषद, पंचायत समिती मधून भाजपाला हद्दपार करून भाजपच्या बहुजन विरोधी धोरणाचा बदला घेणार असल्याचे आंदोलनकर्त्यांनी सांगितले. यावेळी कार्यकर्त्यांनी रस्त्यावर टरबुज फोडून भाजपचा निषेध करण्यात आला. ॲड सचिन आंधळे, बबलू जायभाये, विलास नागरे, निलेश वनवे, अमोल काकड, शुभम खार्डे , विनोद मुंडे , पवन आघाव आदी कार्यकर्ते यावेळी उपस्थित होते.