१३ वर्षांपासून गुंगारा... आज सापडलाच "हा' अट्टल गुन्हेगार!

राजेशविरुद्ध बुलडाणा शहर पोलीस ठाण्यात घरफोडीचा गुन्हा दाखल होता. मात्र तब्बल १३ वर्षांपासून तो पोलिसांना गुंगारा देण्यात यशस्वी होत होता. आज तो बुलडाणा शहरात आला असल्याची गोपनीय माहिती एलसीबी पथकाला मिळाली होती. त्यावरून पोलिसांनी सापळा रचून राजेशला अटक केली व बुलडाणा शहर पोलिसांच्या ताब्यात दिले. ही कारवाई कर्तव्यदक्ष जिल्हा पोलीस अधीक्षक अरविंद चावरिया, अप्पर पोलीस अधीक्षक बजरंग बनसोडे यांच्या मार्गदर्शनाखाली व एलसीबीचे पोलीस निरीक्षक बळीराम गीते यांच्या आदेशाने एलसीबीचे पोलीस उपनिरीक्षक अमित जाधव, पोहेकाँ रामविजय राजपूत, केदार फाळके, दीपक लेकुरवाळे यांनी केली.