चोरट्यांची दिवाळी! खरेदीसाठी आलेल्या दोघांचे मोबाइल लंपास!!

मोतीलाल हिरालाल अग्रवाल (६१, रा. राठी प्लॉट, खामगाव) हे अग्रसेन चौकात झेंडूची फुले खरेदी करत होते. गर्दीचा फायदा घेत चोरट्यांनी त्यांच्या खिशातून मोबाइल लंपास केला. खामगाव शहर पोलीस ठाण्यात देण्यात आलेल्या तक्रारीवरून चोरट्याविरुद्ध गुन्हा दाखल करण्यात आला. तपास पोहेकाँ अतुल आगलावे करीत आहेत. दुसऱ्या घटनेत जवळा पळसखेड (ता. शेगाव) येथील अनंता नामदेव उन्हाळे (४४) हे आज शेगावच्या बाजारात दिवाळीच्या खरेदीसाठी आले होते. शहरातील खरेदी विक्री ऑफिसजवळ मोटारसायकल उभी करून ते पणत्या खरेदी करण्यासाठी बसले. त्यावेळी त्यांच्या खिशातील मोबाइल चोरट्यांनी काढून लंपास केला. शेगाव शहर पोलीस ठाण्यात दिलेल्या तक्रारीवरून चोरट्याविरुद्ध गुन्हा दाखल करण्यात आला. तपास पोहेकाँ श्री. वानखेडे करत आहेत.