मेहकर तालुक्यातील सावत्रा गावचे शेतकरी, कृषी सहाय्यक आणि मंडळ अधिकाऱ्याला वैतागले! मंडळ अधिकारी म्हणे, तुमच्याकडून जे होते ते करून घ्या...

कृषी सहाय्यक शेतकऱ्यांच्या विकासासाठी काम करणारा महत्त्वाचा घटक आहे. मात्र सावत्रा येथील कृषी सहाय्यक श्रीमती लाकडे सतत गैरहजर असतात, इतकचं नाही तर सोबतीला कृषी मंडळ अधिकारी रायपूरे अर्वाच्च भाषेत धमकी देतात. तुमच्याकडून जे होते ते करुन घ्या, मी व मॅडम तुमच्या गावात येऊ शकत नाही, तुमची कामे सोयीनुसार करू अशा शब्दांत कृषी मंडळ अधिकारी रायपूरे गावातील शेतकऱ्यांशी बोलतात. तसेच तालुका मुख्यालयी गेल्यावर तासनतास ताटकळत ठेवतात. त्यामुळे गावातील शेतकऱ्यांची कामे खोळंबली आहेत. असे तक्रारीत म्हटले आहे..