विकासकामांसाठी निधी कमी पडू देणार नाही-आमदार सौ. महाले पाटील
चिखली विधानसभा मतदार संघातील १० कोटी रुपये विकासकामांच्या भूमिपूजन प्रसंगी त्या बोलत होत्या. काल, १ नोव्‍हेंबरला चिखली विधानसभा मतदारसंघातील साकेगाव येथील ३ कोटी रुपये किमतीचे २ पूल, ४ कोटी ६० लक्ष रुपयांचे पारध- धामणगाव- धाड रस्ताचे रुंदीकरण व मजबुतीकरण आणि २ कोटी रुपयांच्‍या जामठी- धाड रस्त्याची धाड गावातील काँक्रिटीकरणासह सुधारणा करणे या कामांचे भूमिपूजन आमदार सौ. श्वेताताई महाले यांच्या हस्ते साकेगाव, धाड, धामणगाव याठिकाणी पार पडले.
यावेळी पंचायत समिती सभापती सौ. सिंधुताई तायडे, उपसभापती सौ. शमशाद पटेल, पंचायत समिती सदस्या सौ. वैशाली कऱ्हाडे, ज्‍येष्ठ नेते रामदास देव्हडे, भाजपा तालुकाध्यक्ष डॉ. कृष्णकुमार सपकाळ, युवा मोर्चा तालुकाध्यक्ष संतोष काळे, शहराध्यक्ष पंडीत देशमुख, सौ. द्वारकाताई भोसले, प्रा. वीरेंद्र वानखेडे, अनमोल ढोरे, कृष्णा जाधव, रितेश पवार, सौ. उर्मिला पवार, जगन्‍नाथ लोखंडे, गुलाबसिंह परीहार, सुनील इंगळे, संजय निकाळजे, मंगेश इंगळे, अमोल सोनवणे, गणेश परिहार, कैलास धोत्रे, सौ. मीनाताई जाधव, कांताबाई धोत्रे, मोतीसिंह परिहार, तेजराव सोनवणे, सुनील परिहार, सोपान जगताप, योगेश जगताप, अक्षय जगताप, संतोष इंगळे, मदन इंगळे आदींसह गावकरी मोठ्या संख्येने उपस्‍थित होते.