घरमालकिनीच्या मुलीवर भाडेकरू युवकाची वाईट नजर! एकटे पाहून अश्लील चाळे

अविनाश वाघमारे (३०, साने चौक, मोरेवस्ती, पुणे) असे संशयित युवकाचे नाव आहे. पोलीस सूत्रांच्या माहितीनुसार, मोरे वस्तीत अविनाश भाड्याने राहतो. १७ जानेवारीच्या रात्री १० ला तो घरमालकाकडे आला. त्याने तंबाखूला लावायला चुना मागितला.

घरमालकाची१५ वर्षीय अल्पवयीन मुलगी बेडवर बसून टीव्ही पाहत होती. त्याने तिला चुना घेऊन बाहेर बोलावले व अंधारात तिच्याशी अश्लील चाळे करू लागला. तिने आरडाओरड केल्यावर मुलीची आई धावत आली. तिच्या आईने तिला जाब विचारला असता 'तुमच्या मुलीला उचलून घेऊन जाईल' अशी धमकी त्याने दिल्याचे तक्रारीत म्हटले आहे.