एक दुजे के लिए! लग्न होऊन दोनच दिवस झाले होते, माहेरी येऊन तिने प्रियकरासोबत गळफास घेतला! दोघांचे सोबत जगणे घरच्यांना मान्य नव्हते म्हणून त्यांनी मरण्याचा निर्णय घेतला..!

जळगाव जिल्ह्यातल्या पाचोरा शहरात ही हादरवून टाकणारी घटना घडली आहे.  जितेंद्र राजू राठोड(१९) आणि साक्षी सोमनाथ भोई(१८) अशी आत्महत्या करणाऱ्या प्रेमीयुगलांची नावे आहेत.. जितेंद्र आणि साक्षीने यंदा १२ वी परीक्षा दिली होती. दोघांचे प्रेमसंबंध होते. कुटुंबियांकडून दोघांच्या लग्नाला विरोध होता. त्यामुळे घाईगडबडीत साक्षीचे लग्न लावून देण्यात आले, साक्षीला ते मान्य नव्हते.
  
 प्राप्त माहितीनुसार पाचोरा शहरातील वरखेड नाका परिसरात जितेंद्र त्याच्या कुटुंबीयांसोबत रहात होता. त्यांच्या घरापासून दोन घरे सोडून सक्षीचे घर होते. जितेंद्रचे आईवडील मजुरी तर साक्षीचे आईवडील मासेमारीचा व्यवसाय करतात. दोघेही एकाच गल्लीत राहणारे असल्याने दोघांचे प्रेमसंबंध होते. मात्र साक्षीच्या घरच्यांना हे संबंध मान्य नव्हते.

 त्यामुळे सक्षीचे लग्न दुसऱ्या तरुणाशी ठरवण्यात आले होते. घटनेच्या दोन दिवसाआधी साक्षीचे लग्न लावून देण्यात आले होते. सत्यनारायणाच्या पूजेसाठी साक्षी माहेरी आली.दुसऱ्या दिवशी सकाळी घराजवळच्या पडक्या शाळेत साक्षी आणि जितेंद्र गळफास घेतलेल्या अवस्थेत दिसून आले.

  प्राप्त माहितीनुसार साक्षीने रात्री जितेंद्रला फोन केला. तिच्या विरहाने शोकाकुल झालेला जितेंद्र तिला भेटायला घराजवळच्या पडक्या शाळेत आले. दोघांचे सोबत जगणे मान्य नसल्याने त्यांनी गळफास घेऊन जीवन संपवण्याचा निर्णय घेतला. जितेंद्रच्या पश्चात तीन बहिणी आणि आई वडील तर साक्षीच्या पश्चात दोन दिवसांपूर्वी ज्याच्याशी लग्न केले तो नवरा, आई वडील आणि एक भाऊ असा परिवार आहे.