ST आंदोलन; भाजपा नेत्यांवर गृहमंत्र्यांचा गंभीर आरोप!
 

एसटी कर्मचाऱ्यांच्या संघटना सरकारविरोधी वातावरण निर्माण करण्यास उत्‍सुक नाहीत हे पाहून भाजपाचे नेते स्वतःच पुढे येऊन आंदोलन करत असल्याचा आरोप मंत्री पाटील यांनी केला आहे. एसटी महामंडळाचे राज्य सरकारमध्ये विलिनीकरण करावे यासह अन्य मागण्यांसाठी सध्या राज्‍यभरातील एसटी कर्मचारी संपावर आहेत. २७ ऑक्टोबरला सुरू झालेले आंदोलन दुसऱ्याच दिवशी जाहीर वाढीव महागाई भत्ता मान्य करताच संयुक्त कृती समितीने मागे घेतले होते. त्‍यानंतर या कृती समितीवर आरोप करत एसटी कर्मचारी कोणत्याही संघटनेच्या झेंड्याखाली एकत्र न येता २९ ऑक्टोबरपासून संपावर गेले आहेत. आज, १२ नोव्‍हेंबरला त्‍यांचाही संप कायम आहे. सध्या राज्यातील २५० आगारांतील बससेवा ठप्प असून, यामुळे प्रवाशांचे मोठ्या प्रमाणावर हाल होत आहेत, तर खासगी प्रवासी वाहतूकदारांची मात्र चांदी होत आहे.