ब्युटी पार्लर चालवणाऱ्या घटस्फोटीत महिलेवर बलात्कार; तीन लाखांचे दागिनेही केले लंपास

दीपक आत्‍माराम शेंडगे (रा. भोसरी) असे गुन्हा दाखल झालेल्या युवकाचे नाव आहे. पीडितेने दुसऱ्या लग्नासाठी मॅट्रिमोनी वेबसाईटवर नावनोंदणी केली होती. त्या वेबसाइटच्या ॲपवरून दीपकने तिच्याशी संपर्क साधला. दीपकने लग्नाचे आमिष दाखवून तिचा विश्वास संपादन केला. नंतर वेळोवेळी तिच्यावर लैंगिक अत्‍याचार त्‍याने केला. वेगवेगळी कारणे सांगून एक लाख ९० हजार रुपये रोख त्‍याने घेतले.

एक लाख ७० हजार रुपये ऑनलाइन घेतल्याचे पीडितेने तक्रारीत म्‍हटले आहे. ३० सप्टेंबर २०१९ ला ती घरी नव्‍हती. दीपकने त्याच्याकडील चावीने घर उघडून तीन लाख रुपये सोन्याचे दागिने तिच्या नकळत घेऊन गेला. तिने दागिने परत मागितले असता दोघांचे फोटो तुझ्या घरच्यांना दाखवेल, अशी धमकी त्याने दिली. त्‍याचे ब्‍लॅकमेलिंग वाढत चालल्याने महिलेने सांगवी पोलीस ठाण्यात धाव घेऊन तक्रार दिली.