हल्ल्यानंतर रोहिणी खडसे म्‍हणाल्या, मी घाबरणारी नाही!; हल्ला शिवसेनेच्या पदाधिकाऱ्यांनी केला!!

रोहिणी खडसे म्हणाल्या, की तीन मोटारसायकलीवरून सात जण आले. यात तिघे शिवसेनेचे पदाधिकारी होते. एकाच्या हातात पिस्तूल, दुसऱ्याकडे तलवार तर तिसऱ्याकडे लोखंडी रॉड होता. एकाने माझ्यावर पिस्तूल रोखले व कारचा दरवाजा उघडायचा प्रयत्न केला. पण सुदैवाने दरवाजा उघडला नाही. हातातील रॉड तिसऱ्याने कारच्या काचेवर आदळला. हल्ला घाबरविण्यासाठी होता. पण मी घाबरणारी नाही. बोदवड नगरपंचायतीपासून सुरू झालेल्या या वादातून शिवसेनेच्या पदाधिकाऱ्यांनी हल्ला केल्याचे रोहिणी म्‍हणाल्या. सुनील पाटील, पंकज कोळी व छोटू भोई अशी तिघा हल्लेखोरांची नावेही रोहिणी यांनी सांगितली आहेत.