एका प्रेमाची दुर्दैवी कहानी...!; विवाहानंतर तिला भाड्याची खोली अन्‌ घरात नवी बायको!!

सौ. मीरा हर्षल खंगार या विवाहितेने या प्रकरणात तक्रार दिली आहे. हर्षल सुधाकर खंगार असे तिच्या पतीचे नाव आहे. २६ मे २०२० रोजी त्‍यांनी न्यायालयात विवाह केला होता. काही दिवसांनंतर अमरावती येथे भाड्याने खोली करून दोघे राहू लागले. हर्षला तिथून त्याच्या घरी येणे जाणे करत होता. मात्र तिला घरी नेत नव्हता. तिने अनेकदा विनंती केली. मात्र तो टाळत होता. एक दिवस तिला कळले की त्याने दुसरे लग्न केलेय. तिने याबद्दल त्‍याला विचारले असता त्याने तू माझी पत्नी नसून, मी तुला माझ्या घरी घेऊन जाऊ शकत नाही, असे म्‍हणून शिविगाळ केली. ती त्याच्या घरी गेली असता सासू, सासऱ्यांनी तू आमची सून नसून माझ्या मुलाची बायकोही नाही. त्याला सोड नाही तर खतम करून टाकू, अशी धमकी दिली.