आता त्याचं लगीन राहील कायम सर्वांच्या लक्षात... त्यानं नववधूला जेसीबीवरून आणले घरात!

भंडारा जिल्ह्यातील खात या गावात ही अनोखी वरात निघाली. सचिन निरगुळकर या तरुणाचे लग्न प्रतीक्षा या मुलीशी दुपारी वेळेवर पार पडलं. लग्न लागल्यानंतर नवरीला घरी नेण्यापूर्वी गावातून वरात काढायची अशी तिथली परंपरा आहे. या वेळी नववधूने एक वेगळाच हट्ट धरला. घरी जाईन तर जेसीबीवर बसूनच. तिचा हट्ट ऐकून उपस्थितांना आश्चर्याचा धक्का बसला. नव्या नवरीचा हट्ट पूर्ण करायचा म्हणून मग नवरदेवाच्या घरच्यांनी तयारीला सुरुवात केली. गावातून जेसीबी बोलावली आणि जेसीबीवरून डीजेच्या तालावर गावातून वरात काढण्यात आली. या अनोख्या वरातीची चर्चा आता सगळीकडे सुरू आहे.