रूमचा दरवाजा उघडताच दिसून आली अर्धनग्न महिला अन्‌ "तो'!; पुण्यात बोकाळलाय स्पा सेंटरच्याआड वेश्या व्यवसाय, गिऱ्हाईकाकडून घेतात ३ हजार अन्‌ तरुणींच्या हाती टेकवतात अवघे ५०० !
पिंपरी चिंचवडमधील वाकड पोलीस ठाण्याच्या हद्दीत साई सागर प्लाझा या ठिकाणी पोलिसांनी ही कारवाई केली. तिथे स्पा सेंटरच्या नावाखाली अवैधरीत्या वेश्याव्यवसाय सुरू असल्याची माहिती पिंपरी चिंचवडच्या अनैतिक मानवी वाहतूक प्रतिबंधक कक्षाला मिळाली होती. पोलिसांनी बनावट ग्राहकाला स्पा सेंटरवरमध्ये पाठवले. वेश्या व्यवसाय होत असल्याची खात्री होताच बनावट ग्राहकाने बाहेर दबा धरून बसलेल्या पथकाला मिस कॉल केला. पथकाने स्पा सेंटरवर छापा मारला. स्पा सेंटर मॅनेजरची चौकशी केल्यानंतर त्याने पोलिसांनी पाठवलेला ग्राहक एका ३४ वर्षीय महिलेसोबत एका खोलीत पाठविल्याचे सांगितले.
पोलिसांनी खोलीचा दरवाजा वाजवताच दरवाजा उघडला गेला. आत पोलिसांना अर्धनग्न महिला आणि बनावट ग्राहक दिसून आला. पोलिसांना खोलीत कंडोम मिळून आले. स्पा मॅनेजर आलीम उद्दिन हा त्यांच्याकडून जबरदस्तीने वेश्यावसाय करून घेत असल्याने महिलेने पोलिसांना सांगितले. स्पामालक एका ग्राहकाचे ३ हजार रुपये घेतो आणि मुलीला त्यातील केवळ ५०० रुपयेच देतो, असे तिने पोलिसांना सांगितले. स्पा सेंटरमध्ये स्पा मॅनेजरने ४ मुली दाखवल्या होत्या. पैकी एका एकीची निवड करायला सांगितली, असे बनावट ग्राहकाने पोलिसांना सांगितले. पोलिसांनी मॅनेजरच्या ताब्यातून दोन मोबाइल, कंडोम, रोख सहा हजार दोनशे रुपये असा एकूण २० हजार रुपयांचा मुद्देमाल जप्त केला. आरोपी स्पा मॅनेजर आलीम उद्दीन अब्दुल समद(२५), स्पा मालक महिला सीमा दीपक धोत्रे (३५, रा शिवाजीनगर पुणे) यांच्याविरुद्ध गुन्हा दाखल केला.