रविकांत तुपकरांच्या भूमिकेकडे राज्याचे लक्ष! आज पुण्यात राज्यभरातील समर्थक कार्यकर्त्यांची बैठक; नवे संघटन की आणखी काही वेगळा निर्णय?

बुलडाणा लोकसभा निवडणुकीत अपक्ष उमेदवार म्हणून रविकांत तुपकर यांनी जवळपास अडीच लाख मते घेतली. सांगलीच्या विशाल पाटलांचा अपवाद वगळता अपक्ष म्हणून अडीच लाख मते घेणारे रविकांत तुपकर हे एकमेव उमेदवार ठरले. दरम्यान लोकसभा निवडणुकीत पराभव झाला असला तरी तुपकर यांचे नेतृत्व या निवडणुकीत उठून दिसले.

काही दिवसांनी बुलडाणा शहरात झालेल्या बैठकीत त्यांनी बुलडाणा लोकसभा मतदारसंघातील सहाही विधानसभा मतदारसंघात निवडणूक लढवण्याचे जाहीर केले होते. शिवाय राज्यस्तरीय राजकीय भूमिका २४ जुलैला जाहीर करणार असल्याचेही ते म्हटले होते. दरम्यान परवा,२२ जुलैला स्वाभिमानी शेतकरी संघटनेच्या शिस्तपालन समितीने रविकांत तुपकर यांना शेतकरी संघटनेतून निष्काशित केले, त्यामुळे तुपकर आता काय भूमिका घेतात यासह बुलडाणा जिल्ह्यासह राज्याच्या राजकीय वर्तुळाचे लक्ष लागून आहे.