अस्वलाच्या हल्ल्यात शेतकरी गंभीर; मोताळा तालुक्यातील घटना
Feb 18, 2022, 19:33 IST
बुलडाणा : शेतात गेलेल्या शेतकऱ्यावर अस्वलाने हल्ला करून गंभीर जखमी केले. मोताळा तालुक्यातील लोणघाट येथे आज, १८ फेब्रुवारी रोजी दुपारी १२ च्या सुमारास ही घटना घडली. रणजीत सरोचंद केसरोद (५१) असे गंभीर जखमी शेतकऱ्याचे नाव आहे.
रणजीत यांनी आरडाओरड केल्याने आजूबाजूचे शेतकरी धावत आले. मात्र तोपर्यंत ते गंभीर जखमी झाले होते. त्यांना तातडीने बुलडाणा येथील जिल्हा सामान्य रुग्णालयात दाखल करण्यात आले. मात्र त्यांची प्रकृती गंभीर असल्याने अकोला येथे हलविण्यात आले आहे.