गद्दारी करून तूच म्हणती गद्दार मला.! हृदय पिळवटून टाकणारी स्टोरी; नवऱ्याने बायकोला नोकरीला लावण्यासाठी जीवाचा आटापिटा केला,

संजय केशव पवार( रा. गुंजाळा, ता.चिखली) यांनी याप्रकरणाची तक्रार एसपी सुनील कडासने यांच्याकडे केली आहे. तक्रारीनुसार संजय पवार यांचे २००४ मध्ये मामाच्या मुलीसोबत लग्न झाले होते. त्यांची पत्नी १२ वी विज्ञान शाखा उत्तीर्ण असल्याने त्यांनी बायकोला पुढे शिकवण्याचा निर्णय घेतला. ४ वर्षांचा स्टाफ नर्सिग चा कोर्स करण्यासाठी संजय पवार यांनी त्यांच्याकडील स्वतःची २ एकर शेती विकली.

शेती विकून आलेल्या पैशातून संजय पवार यांनी पत्नीच्या शिक्षणाचा खर्च केला. आपले दिवस पालटतील असा विश्वास त्यांना होता. दरम्यान पत्नीला आरोग्य विभागात कंत्राटी तत्वावर नोकरी लागली. त्यावेळी दोघे पती पत्नी आणि त्यांच्या दोन मुली असे पवार कुटुंब नोकरीच्या ठिकाणी भाड्याने खोली करून राहू लागले.

सरकारी नोकरी लागल्यावर...

दरम्यान काही महिन्यांनी संजय पवार यांच्या पत्नीला सरकारी नोकरी मध्ये कायमस्वरुपी सामावून घेण्यात आले. संजय पवार यांनी तक्रारीत म्हटले आहे की सरकारी नोकरी लागल्यावर पत्नीचे राहणीमान बदलले. पत्नी नोकरीवरून घरी रात्री उशिरा यायची त्यामुळे या कारणावरून दोघा पती पत्नीत वाद होऊ लागले. याचेच कारण पुढे करून पत्नीने संजय पवार यांच्यासोबत राहायला नकार दिला. दोघा पती-पत्नीतला वाद मिटवण्यासाठी नातेवाईकांनी मध्यस्थी करण्याचा प्रयत्न केला मात्र त्याला अपयश आले. पतीने माझ्याकडे येऊनही पाहूनही नये अशी ताकीद पत्नीने दिली, पत्नी दोन मुलींना घेऊन वेगळी राहू लागली." माझी स्वतःची जमीनही गेली, माझ्या दोन्ही मुलींपासून दूर झालो त्यामुळे मी उघड्यावर आलो, मला न्याय द्या" असे आर्जव संजय पवार यांनी एसपी कडासने यांना दिलेल्या तक्रारीत केले आहे.