मुलं रडल्यावर त्याला मोबाईल देता? थांबा! आधी ही बातमी वाचा, तज्ञ काय म्हणतात...होऊ शकते मोठे नुकसान 

बुलडाणा(लाइव्ह ग्रुप नेटवर्क): होय.. हल्ली मुल रडायला लागलं की त्याच्या हातात पालक मोबाईल देतात, पुढच्याच क्षणाला रडणार बाळ त्या मोबाईल मध्ये गुंग होऊन जात..तेवढ्या वेळासाठी बाळाचे रडणे थांबल्याने पालकांना दिलासा मिळत असला तरी अशा सवयीमुळे बाळाच्या भविष्यात काय वाढून ठेवलंय याची कल्पना बाळाच्या पालकांना नसते..मात्र याचे घातक परिणाम आता समोर येऊ लागले असून नकळत्या वयात मुलांना मातृभाषेचा विसर पडणे , मानसिक आणि शारीरिक विकास थांबणे, सामाजिक आणि कौटुंबिक भावना न समजणे असे विपरीत परिणाम मुलांवर होत आहेत. त्यामुळे लहान मुलांना मोबाइलच्या अतिरिक्त वापरावर कंट्रोलच हवा असा सल्ला बालरोग तज्ञ देत आहेत.