राष्ट्रीय स्वयंसेवक संघ हा माणूस घडवण्याचा कारखाना ! कृष्णा सपकाळ यांचे प्रतिपादन; लोणार नगराचा विजयादशमी व शस्त्रपूजन उत्सव संपन्न...

 पुढे बोलतांना कृष्णा सपकाळ म्हणाले की, शक्ती संपन्न समाजाशिवाय सध्या पर्याय नाही. संघटनेतच ताकद असते. हिंदु समाज जेव्हा जेव्हा जातीपातींमध्ये विखुरला गेला तेव्हा आक्रमकांनी त्याचा फायदा घेतला. हिंदु म्हणून एकत्रित येणे ही काळाची गरज आहे असे ते म्हणाले. कुटूंबव्यवस्था हा भारताचा आत्मा आहे, त्यामुळे एकत्रित कुटुंब असावे याकडे भर देण्याची गरज आहे त्यासाठी संघ कुटुंब प्रबोधनाचे काम करत असल्याचे ते म्हणाले. एक गाव एक पाणवठा, एक गाव स्मशान - एक गाव एकत्रित पंगत यामाध्यमातून समरस समाज निर्मितीसाठी संघाचे प्रयत्न सुरू आहेत, मात्र केवळ एवढ्याने होणार नाही.कामाची आणखी गरज आहे, समाजातल्या सज्जन शक्तीने संघाच्या कामात योगदान द्यावे असे आवाहनही त्यांनी यावेळी केले.

त्याआधी प्रमुख अतिथी कैलास पारीख यांनी वाढती व्यसनाधीनता, विभक्त कुटूंबपद्धती यावर चिंता व्यक्त केली. संघ देशभक्तीचे संस्कार करतो,वेगवेगळ्या क्षेत्रात राष्ट्रीय हिताचे काम करतो असे म्हणत त्यांनी संघाच्या कामाचे कौतुक केले. प्रास्ताविक प्रकाश सुपट्यान यांनी केले. उत्सवाच्या आधी नगरातून गणवेशधारी स्वयंसेवकांचे पथसंचलन निघाले...