आमदार डॉ.राजेंद्र शिंगणेंच्या डोक्यात काय? कुणालाच काही कळेना! महायुतीच्या अन् महाविकास आघाडीच्या इच्छुकांनाही केले कन्फ्युज;

आ.डॉ.राजेंद्र शिंगणे सध्या कागदोपत्री महायुतीत आहे. जिल्हा बँकेच्या हिताचे कारण सांगून ते अजितपवारांच्या राष्ट्रवादीत आले. आता "आवश्यक बाबी " साध्य झाल्यानंतर डॉ.शिंगणे सध्या तटस्थ भूमिकेत आहेत की काय ? अशी चर्चा सुरू झाली आहे. कारण महायुतीसोबत त्यांचा "अतीघरोबा" दिसत नाही.त्यांच्या बॅनर वर, वर्तमानपत्रातील जाहिरातीत महायुतीचे नेते कुठे दिसत नाहीत. शिवाय डॉ.शिंगणे कोणत्याही क्षणी घरवापसी करून तुतारी हाती घेतील असे चित्र गेल्या दोनेक महिन्यांपासून आहे, मात्र अद्याप आमदार डॉ.शिंगणे यांनी कुणालाच काही कळू दिले नाही.