आज लोकसभा निवडणुका झाल्या तर....? कसे असेल चित्र? संसदेच्या पावसाळी अधिवेशनानंतर झालेल्या सर्वेचा अहवाल सांगतो अजूनही मोदीच..

 टाइम्स नाऊ ने केलेल्या सर्वेनुसार आजघडीला लोकसभा निवडणुका झाल्या तर पुन्हा एकदा नरेंद्र मोदींच्या नेतृत्वातील एनडीए आघाडीला बहुमत प्राप्त होईल. पंतप्रधान म्हणून देखील सर्वाधिक नागरिकांनी आजही नरेंद्र मोदींनाच पसंती असल्याचे हा सर्वे सांगतो. आजघडीला निवडणुका झाल्या तर नरेंद्र मोदींच्या नेतृत्वातील एनडीएला २९६ ते ३२६ जागा मिळण्याचा अंदाज आहे तर विरोधकांच्या इंडिया आघाडीला १६० ते १९० जागा मिळण्याचा अंदाज वर्तविण्यात आला आहे.

 लोकसभेच्या सर्वाधिक ७८ जागा असलेल्या उत्तरप्रदेश मध्ये पुन्हा एकदा मोदी - योगीची जादू चालणार आहे. ७८ पैकी ६९ ते ७३ जागा या भाजपच्या आघाडीला मिळण्याचा अंदाज या सर्वेमध्ये व्यक्त करण्यात आला आहे. १ लाख ६० हजार लोकांनी या सर्वेत सहभाग घेतला.