स्थानिक स्वराज्य संस्थांच्या निवडणुका महायुती एकत्रच लढणार! – केंद्रीय मंत्री प्रतापराव जाधव यांचे स्पष्ट संकेत

 बुलडाणा (बुलडाणा लाइव्ह वृत्तसेवा): राज्यात स्थानिक स्वराज्य संस्थांच्या निवडणुकांचे बिगुल वाजू लागले असून राजकीय वातावरण तापत चालले आहे. सर्वच पक्ष व इच्छुकांनी मैदानात तयारीला सुरुवात केली असताना, या निवडणुका युतीतून लढाव्यात की स्वतंत्रपणे – यावर चर्चा सुरू आहे. मात्र, या चर्चांना पूर्णविराम देणारे स्पष्ट संकेत केंद्रीय मंत्री आणि शिवसेना नेते ना. प्रतापराव जाधव यांनी दिले आहेत.