सिंदखेडराजा मतदारसंघात निष्ठेची धगधगती मशाल! उद्या, १० गावांत होणार मशाल यात्रेचा जागर! दिलीप वाघ म्हणाले, ताकद दाखवून देऊ....

सकाळी ८ वाजता दुसरबीड येथून प्रारंभ झाल्यानंतर दुपारी १२ वाजता केशवशिवणी,१२.३० वाजता तढेगांव, १ वाजता बारलिंगा, २ वाजता खैरव, २.३० वाजता वाकद, ३ वाजता डोरव्ही, ४.३० वाजता पोफळशिवणी, ५.३० वाजता वाघाळा आणि ६.३० वाजता मलकापूर पांग्रा असा मशाल यात्रेचा उद्याचा प्रवास राहणार आहे. "मशाल यात्रेच्या माध्यमातून आम्ही गावोगावी निष्ठेचा जागर करीत आहोत,शेतकरी शेतमजुरांच्या प्रश्नांवर आम्ही २५ सप्टेंबरला सिंदखेडराजा तहसील कार्यालयावर मोर्चा काढणार आहोत.या मोर्चात आम्ही शिवसेनेची ताकद काय असते हे दाखवून देऊ. या मतदारसंघात जनता गद्दारांना पळती भुई थोडी केल्याशिवाय राहणार नाही असे माजी जिल्हा परिषद सदस्य दिलीप वाघ यांनी प्रसिद्धीस दिलेल्या पत्रकात म्हटले आहे.